پشکەکان

كۆمپانیای چاڤی مژەدە دەدات بە هەموو خاوەن پشكەكان

كۆمپانیای چاڤی مژدە دەدات بە هەموو خاوەن پشكەكان،كە پاش پڕۆسەیەكی یاسایی دوور و درێژ و تاپۆكردنی سەرجەم زەوویەكانی پڕۆژەی (چاڤی لاند) بە ناوی كۆمپانیای چاڤی و خاوەن پشكەكانەوە و پاش خەمڵاندنی زەوییەكانی پڕۆژەكە لە لایەن بەڕێوەیەرایەتی خانووبەرەی سلێمانی و بەڕێوەبەرایەتی كۆمپانیاكان و بەڕێوەبەرایەتی باجی دەرامەتی كۆمپانیاكان، ئەوا لە ئێستادا بە پێی بڕیاری ژمارە (1260) لە (27/2/2017)ی بەڕێوەبەرایەتی كۆمپانیاكان، سەرمایەی كۆمپانیاكە زیاد كرا بۆ (549,371,546,000) پێنج سەد و چل و نۆ ملیار و سێ‌ سەد حەفتا و یەك ملیۆن و پێنج سەد و چل و شەش هەزار دینار كە بەمەش قیمەتی پشكەكان زیادیكردووە.

بۆ نموونە ئەگەر هەر خاوەن پشكێك پێشووتر بایی (یەك ملیۆن) دینار پیشكی هەبووبێت، ئەوا پشكەكەی بووەبە (4.1) ئەوەندە، واتە (410%) پشكەكانی زیادی كردووە و یەك ملیۆن دینارەكە بووە بە (4,100,000) چوار ملیۆن و سەد هەزار دینار، وە ئەگەر بۆ نموونە كەسێك بایی (10,000,000) (دە ملیۆن) دینار پیشكی هەبووبێت، ئەوا ئێستە پشكەكانی بووە بە (41,000,000) چل و یەك ملیۆن دینار.

بۆیە داواكارین لە هەموو خاوەن پشكەكان كە بە پێی ئەو كورتە نامەیەی پێیان دەگات سەردانی ئۆفیسی سەرەكی كۆمپانیا بكەن لە ناو پڕۆژەی (چاڤی لاند) بۆ وەرگرتنی بڕوانامە نوێیەكان و زیادكردنی بڕی پشكەكان.

تێبینی: پێویستە بڕوانامە كۆنەكان لەگەڵا خۆتان بگەڕێننەوە هەركات لە ڕێگەی كورتەنامەوە ئاگادار كران كە سەردانی چاڤی لاند بكەن.